- AlbaChat
- Ndihmë për BAN
Si ta heqësh BAN-in nga AlbaChat
Ban, G-Line dhe AKill: pse jepen, çfarë duhet të bësh dhe çfarë të dhënash na duhen që të të ndihmojmë.
Pse jepet një BAN
Shpesh ndodh që dikush përjashtohet nga chat-i dhe i lutet një shoku ose shoqeje të hyjë të kërkojë ndihmë në vend të tij (edhe pse në shumicën e rasteve mesazhi i përjashtimit thotë: Kontaktoni contact.zemra.org). Ata që na drejtohen nuk e dinë rendin se si, pse dhe kur jepen këto BAN ose përjashtime, dhe mendojnë se po na tregojnë nofkën e dikujt, BAN-i mund të hiqet automatikisht. Nuk funksionon kështu.
Vetëm personi i përjashtuar duhet të na kontaktojë, përmes formularit më poshtë.
Nëse BAN-i është gabim
Ndonjëherë dikush përjashtohet gabimisht, nga keqkuptimi ose për arsye tjetër që e bën personin të pafajshëm. Do të përpiqemi t'ju ndihmojmë sa më shpejt, por nëse personi i përjashtuar ka pasur disa vërejtje për të njëjtin gabim, BAN-in e lëmë pak më gjatë, derisa personi të përmirësohet ose të mos ketë nevojë të hyjë më në chat-in tonë.
Ju që vini të ndihmoni shokët ose shoqet tuaja, mendoni se po bëni mirë, por në të njëjtën kohë nuk dini as arsyen, as asnjë informatë që na nevojitet për t'i ndihmuar dikujt. Prandaj ju lusim të paraqiteni vetëm kur keni problem personal me chat-in.
Të dhënat që duhet të japësh
Të gjithë ata që kanë problem me chat-in, le të vizitojnë contact.zemra.org dhe të plotësojnë formularin me të dhëna të sakta, që të mund t'i ndihmojmë.
- Nofkën – pseudonimin që përdor në chat.
- IP adresën – me të cilën ke ndalesë/BAN në chat.
- Email adresën tënde të saktë – që të mund të marrësh përgjigje nga ne.
- Mesazhin që lexon kur provon të kyçesh në chat.
Gati t'i dërgosh të dhënat?
Plotëso formularin dhe stafi do të përgjigjet në email.
Pyetje të shpeshta
Si ta heq BAN-in nga AlbaChat?
Vizito contact.zemra.org dhe plotëso formularin me nofkën, IP adresën, emailin e saktë dhe mesazhin që lexon kur provon të hysh. Stafi do të përgjigjet në email.
A mund të kërkojë dikush tjetër ndihmë për BAN-in tim?
Jo. Stafi nuk heq BAN sepse dikush tjetër ia kërkon një shoku. Vetëm personi i përjashtuar duhet të na kontaktojë, me të dhëna të sakta.
Pse BAN-i zgjat më shumë për disa persona?
Nëse personi ka pasur disa vërejtje për të njëjtin gabim, BAN-in e lëmë më gjatë, derisa personi të përmirësohet.
Lexo edhe rregulloren për të shmangur një BAN të ri.